زيارة خادم الحرمين الشريفين ل الاحساء

يا مرحبا يا سيد العز و الدين
يابن الامام الشهم سيف العداله
يامرحبابك عد نبت البساتين
يا الشامخ الوافي عدو الضلاله
ياسيدي سلمان نسل السلاطين
ياكاسب الطالات في كل حاله
انت الزعيم الشهم طلق الحجاجين
القايد الساطي صريحن مقاله
في عاصفة حزم الفعايل براهين
وعلمن بدون اثبوت عيب وجهاله
ومن وقتك الماضي صعوط المجانين
سم العداء في نحور روس الحثاله
الفرس واسرائيل صارو ذليلين
من يوم صار الحرب تعرف ارجاله
شرواك يا الحلحيل يابن الميامين
يابن المليك اللي كرامن اسباله
عبدالعزيز المجد سجل دواوين
ملك ملوك العرب سيف العداله
اسس وثبت صروح و قوانين
وبعده مشو نسله شموخ الاصاله
اسود فا الماقف كعام المعادين
روسن على العليا ثبوت وشكاله
وبقول كلمة حق علمن بتثمين
في سيدي سلمان وصف استواله
عمر ابن خطاب كنه الى الحين
عايش وسيف الدين مثله و حاله
والساحل الشرقي زف الرياحين
با المسك والكنبود والعز فاله
و سعود ابن نايف يرحب ملايين
يا مرحبا باهل الوفاء و الجماله
باسم الامير اللي عطى الحق حقين
اميرنا الغالي مانرضاء بداله
و ياسيدي سلمان جينا ملبين
حنا معك والعز فيكم كماله
وعندك ومن حولك رجالاً شجيعين
الكل منهم وارداتن احباله
محمد النايف ليا جاء العلم علمين
ياكسب زمام العلم والطيب ناله
محمد وريث الطيب من عدتت اسنين
و ابوه نادر فا الاوادم لحاله
اساس صروح المجد زبن المخلين
يا الله عسى الجنه مكانه و فاله
وفي مدح ابن سلمان ليث الميادين
ابن الزعيم المدح وافق وصاله
خاض المعارك دون صف المصلين
حكيم ومحنك بفعل و جزاله
انا اشهدنه مجد صارم حمر عين
ضد العدو و الفعل شفنا مناله
وريث عز ومجد بين المسمين
اسم ابن سلمان مجداً الحاله
هذا كلام الصدق من ماضي اسنين
وعلمن بدون اثبوت عيب وجهاله

خدمكم الشاعر
فائح عوضه ابن عقيل البقمي

صح لسانك وبيض الله وجهك

صح بدنك وجهك ابيض لاهنت ي النشمي